عمران خان کی کامیابی ہی پاکستان کی جیت ہے، وزیر اعلیٰ پنجاب

اسلام آباد(کنٹری نیوز) وزیر اعلیٰ پنجاب پرویز الہیٰ نے کہا ہے کہ عمران خان کی کامیابی ہی پاکستان کی جیت ہے۔چیئرمین پاکستان تحریک انصاف (پی ٹی آئی) عمران خان سے وزیر اعلیٰ پنجاب پرویز الہٰی نے ملاقات کی۔ جس میں باہمی دلچسپی کے امور، سیاسی صورتحال اور سیلاب زدگان کی بحالی پر تبادلہ خیال کیا گیا۔وزیر اعلیٰ پنجاب پرویز الہٰی نے عمران خان کو متاثرین کی بحالی پلان پر بریف کیا اور وزیر اعلیٰ پنجاب نے سیلاب متاثرین کے لیے کامیاب ترین ٹیلی تھون پر عمران خان کو مبارکباد دی۔پرویز الہیٰ نے کہا کہ قوم خصوصاً بیرون ملک مقیم پاکستانیوں کے جذبے کو سلام پیش کرتے ہیں، قوم نے عوام کی آواز پر لبیک کہا اور عمران خان کی اپیل پر اربوں روپے جمع ہونا ثابت کرتا ہے کہ عوام کو ان کی قیادت پر اعتماد ہے۔انہوں نے کہا کہ عمران خان دھرتی کا بیٹا ہے اور اس نے مٹی کا حق ادا کر دیا۔ عمران خان کی نیت نیک اور سمت درست ہے جبکہ عمران خان کی کامیابی ہی پاکستان کی جیت ہے۔وزیر اعلیٰ پنجاب نے کہا کہ عمران خان کی قیادت میں متاثرین سیلاب کی آباد کاری کے لیے پر عزم ہیں، سیلاب زدگان کے ساتھ کھڑے ہیں اور ان کی امداد میں وسائل کی کمی نہیں آنے دیں گے۔