چین دی بیلٹ اینڈ روڈ انیشیٹو کو بدنام کرنے کی مخالفت کرتا ہے،وزارت خارجہ

بیجنگ (کنٹری نیوز)چینی وزارت خارجہ کے ترجمان چاؤ لی جیان نے کہا ہے کہ سینئر امریکی حکام کا دعویٰ ہے کہ “دی بیلٹ اینڈ روڈ” نے قرضوں کا جال کھڑا کر دیا ہے جو سراسر جھوٹ ہے۔پیر کے روز چینی میڈ یا کے مطا بق ایک باقاعدہ پریس کانفرنس میں
چاؤ لی جیان نے کہا کہ چونکہ دی بیلٹ اینڈ روڈ انیشییٹو نو سال قبل تجویز کیا گیا تھا، اس نے ہمیشہ وسیع مشاورت، مشترکہ شراکت اور مشترکہ فوائد کے اصولوں پر عمل کیا ہے اور متعلقہ ممالک کے لوگوں کو اس سے ٹھوس فوائد حاصل ہوئےہیں۔ قرضوں کے جال کا اصل خالق امریکہ ہے۔ وسیع مالیاتی پالیسیاں، غیر منظم مالی اختراعات، اور بدنیتی پر مبنی شارٹ سیلنگ نے ترقی پذیر ممالک کے قرضوں کے بوجھ کو بڑھا دیا ہے، اور امریکہ ہی خاص طور پر متعلقہ ممالک کے قرضوں کے جال کے لیے ذمہ دار ہے۔