گلوکارہ شازیہ منظور نے الزام عائد کیا ہے کہ ان کے منیجر کے بیٹوں نے گھر میں گھس کرگن پوائنٹ پر دھمکیاں دیں۔
گلوکارہ شازیہ منظور نے اپنے وکیل فیاض رامے کے ہمراہ تھانہ ملت پارک میں مقدمہ درج کرانے کیلئے درخواست دے دی۔
گلوکارہ کا کہنا ہے کہ 4 افراد نے ان کے گھر میں گھس کر گن پوائنٹ پر دھمکیاں دیں،خالی کاغذات پر دستخط کروائے جوبعد میں انہوں نے پھاڑ ڈالے جب کہ مسلح افراد نے انہیں گھر سے نکالنے اور قبضہ کرنے کی کوشش کی۔
شازیہ منظور نے ویڈیو بیان میں کہا کہ ان کا اپنے مینجر نواز سےجائیداد کا تنازع چل رہا ہے، نواز کے بیٹے اکثر گھر میں گھس کر دھمکیاں دیتے ہیں اور گھسیٹتے ہیں، وزیراعلیٰ مریم نواز شریف نوٹس لیں اور انصاف دلوائیں۔
پولیس کے مطابق شازیہ منظور کا جائیداد کیس عدالت میں چل رہا ہے ،واقعے کی تصدیق کے بعد کارروائی کی جائے گی۔


