اسلام آباد: وزیراعظم شہباز شریف نے ڈسکوز کی نجکاری میں سرمایہ کاروں کی شمولیت کے لیے مؤثر حکمتِ عملی اختیار کرنے کی ہدایت کردی۔
ڈسکوز کی نجکاری اور پرائیویٹائزیشن کمیشن کی اصلاحاتی تنظیمِ نو پر جائزہ اجلاس میں وزیراعظم شہباز شریف نے کہا کہ نجکاری کے عمل میں صارفین کے مفاد کو ترجیح دی جائے۔
وزیر اعظم نے کہا کہ ڈسکوز کی نجکاری کے تمام مراحل مقررہ مدت میں منافع بخش انداز میں مکمل کیے جائیں ، نجکاری کمیشن میں جاری ادارہ جاتی اصلاحات اور تنظیمِ نو ایک ماہ میں مکمل کی جائے۔
وزیر اعظم نے ہدایت دی کہ نجکاری کمیشن میں عالمی معیار کے مالیاتی، قانونی اور آئی ٹی ماہرین شامل کیے جائیں۔نجکاری میں بہترین پیشہ ورانہ استعداد کےحامل کنسلٹنٹ کی تجاویز کویقینی بنایا جائے۔
