بیجنگ (نمائندہ خصوصی)چین کی وزارتِ تجارت کے ترجمان نے چین اور امریکہ کے درمیان اقتصادی اور تجارتی مشاورت کے حوالے سے ایک صحافی کے سوال کا جواب دیتے ہوئے بتایا کہ دونوں فریقوں کی باہمی رضامندی کے بعد، سی پی سی کی مرکزی کمیٹی کے سیاسی بیورو کے رکن اور ریاستی کونسل کے نائب وزیراعظم حہ لی فنگ ایک وفد کے ساتھ 19 تا 23 ستمبر تک اقتصادی اور تجارتی مشاورت کے لیے امریکہ کا دورہ کریں گے۔
دونوں ممالک اپنے رہنماؤں کے اہم اتفاق رائے کی رہنمائی میں، دلچسپی کے حامل تجارتی اور اقتصادی معاملات پر بات چیت کریں گے۔
