جاپان کو جوہری ہتھیاروں کے عدم پھیلاؤ سے متعلق اپنی عالمی ذمہ داریاں پوری کرنی چاہئیں، چینی وزارت خارجہ

⁠⁠⁠⁠⁠⁠⁠ 6 اگست کو چینی وزارتِ خارجہ کے ترجمان لین جیئن نے ہیروشیما پر ایٹم بم گرائے جانے کی 81ویں برسی کے موقع پر کہا کہ جوہری ہتھیاروں سے جنم لینے والی تباہی اور انسانی المیے کو کبھی دہرایا نہیں جانا چاہیے۔ انہوں نے کہا کہ ایٹم بم حملے کے تاریخی پس منظر کو فراموش نہیں کیا جا سکتا اور جاپانی عسکریت پسندی کی جارحیت سے سبق سیکھنا ضروری ہے۔ترجمان نے کہا کہ طویل عرصے سے جاپان کی دائیں بازو کی قوتیں تاریخی حقائق کو مسخ کرتے ہوئے “ایٹم بم کے متاثرین” کی شناخت کو سیاسی مقاصد کے لیے استعمال کر رہی ہیں، تاکہ بین الاقوامی ہمدردی حاصل کی جا سکے۔  یہ عناصر جان بوجھ کر جاپان کی جارحیت کے نتیجے میں ہمسایہ ممالک میں ہونے والی کروڑوں ہلاکتوں کو نظر انداز کر کے اپنے جرائم کو چھپانے کی کوشش کرتے ہیں۔ لین جیئن نے کہا کہ رواں سال ٹوکیو ٹرائلز کے آغاز کی 80ویں سالگرہ ہے اور تاریخ کا فیصلہ ابھی ختم نہیں ہوا۔ انہوں نے زور دیا کہ جاپان کو جوہری ہتھیاروں کے عدم پھیلاؤ سے متعلق اپنی بین الاقوامی قانونی ذمہ داریاں حقیقی معنوں میں پوری کرنی چاہئیں اور  تاریخ کے ملزم کے طور پر دوبارہ جارحیت کی راہ پر گامزن ہونے سے گریز کرنا چاہیے۔