چائنا انٹرنیشنل فیئر فار ٹریڈ اِن سروسز 2026 کے دوران خدمات کی تجارت اور کھپت کے مربوط فروغ پر علمی تبادلے کا ایک اجلاس منعقد ہوا، جس میں خدمات کی تجارت کی عالمی ترقی اور ان باؤنڈ سیاحت کی کھپت کو فروغ دینے والی صلاحیت کے حوالےسے دو تحقیقی رپورٹس جاری کی گئیں۔
“عالمی خدمات کی تجارت کی ترقیاتی انڈیکس رپورٹ 2026″ میں دنیا بھر کی 79 معیشتوں کی خدمات کی تجارت کی ترقیاتی سطح کا جامع جائزہ لیا گیا ہے۔ رپورٹ کے مطابق، خدمات کی تجارت کی جامع ترقیاتی سطح میں چین کی درجہ بندی 2018 کے مقابلے میں 5 درجے بلند ہو ئی ہے۔ رپورٹ میں بتایا گیا ہے کہ خدمات کی تجارت تیزی سے معاشی ترقی کو فروغ دینے کا ایک اہم انجن بنتی جا رہی ہے، اور علم پر مبنی خدمات، خدمات کی عالمی تجارت میں غالب حیثیت رکھتی ہیں۔
اسی اجلاس میں “ان باؤنڈ سیاحت کے ذریعے کھپت کے فروغ کے اندرونی میکانزم اور ترقی کی صلاحیت کا مطالعہ“ نامی رپورٹ بھی جاری کی گئی ۔ رپورٹ میں نشاندہی کی گئی ہے کہ ان باؤنڈ سیاحت ملکی طلب کو وسعت دینے اور خدمات کی برآمدات کو فروغ دینے کا ایک اہم ذریعہ بن رہی ہے۔
