نیویارک: وزیراعظم شہباز شریف کی بنگلا دیشی ہم منصب طارق رحمان سے ملاقات ہوئی ہے جس میں دونوں وزرائےاعظم نے تجارت، سیاحت اور دیگر شعبوں میں تعاون کو مضبوط بنانے کے عزم کا اعادہ کیا۔
نیویارک میں یہ ملاقات اقوام متحدہ کی جنرل اسمبلی کے 81ویں اجلاس کے موقع پر ہوئی۔
اعلامیہ کے مطابق دونوں رہنماؤں نے پاکستان اور بنگلا دیش دوطرفہ تعلقات کا جائزہ لیا۔
وزیراعظم شہبازشریف نے جنرل اسمبلی اجلاس کی صدارت سنبھالنے پر بنگلا دیش کو مبارکباد دی اور بنگلا دیش کے ساتھ دوطرفہ تعلقات کو مزید مستحکم بنانے کے عزم کا اعادہ کیا۔
اعلامیے کے مطابق بنگلادیشی وزیر اعظم نے پاکستان سے تعلقات کو مزید فروغ دینے کی خواہش کا اظہار کیا۔
اس کے علاوہ دونوں رہنماؤں نے کثیرالجہتی فورمز، بالخصوص اقوام متحدہ میں مسلسل رابطہ و تعاون کی اہمیت پر زور دیا۔
