جاپان میں جاری ایشین گیمز اسکواش ایونٹ کے سیمی فائنل میں پاکستان کے دونوں کھلاڑی اپنے میچز ہار گئے۔
پہلا سیمی فائنل پاکستان کے اشعب عرفان اور بھارت کے ابھے سنگھ کے درمیان کھیلا گیا، بھارتی کھلاڑی نے اسٹریٹ گیمز سے کامیابی حاصل کی، ابھے سنگھ کی کامیابی کا اسکور 11-3 ، 12-10 اور 11-6 رہا۔
دوسرا سیمی فائنل ملائیشیا کے ایئن یاو اور پاکستان کے نور زمان کے درمیان ہوا جو یکطرفہ ثابت ہوا، ملائیشیا کے کھلاڑی نے 11-7، 11-2 اور 11-4 سے کامیابی حاصل کی۔
گولڈ میڈل کیلئے بھارت کے ابھے سنگھ اور ملائیشیا کے ایئن یاو کے درمیان مقابلہ ہوگا جبکہ برانز میڈل کیلئے مقابلہ پاکستان کے نور زمان اور ہم وطن اشعب عرفان کے درمیان کھیلا جائے گا۔
