عالمی سروے میں چین کے کھلے پن کے تجربے کی بھرپور پذیرائی

بیجنگ :چائنا میڈیا گروپ کے تحت سی جی ٹی این اور رین من یونیورسٹی آف چائنا کے اشتراک سے 44 ممالک کے 20 ہزار 100 افراد پر کیے گئے ایک عالمی سروے کے نتائج سے ظاہر ہوتا ہے کہ چین کے کھلے پن کے تجربے کو عالمی سطح پر بھرپور پذیرائی حاصل ہو رہی ہے۔سروے میں شامل افراد نے چین کی جانب سے چائنا انٹرنیشنل امپورٹ ایکسپو کے مسلسل انعقاد اور اعلیٰ معیار کے کھلے پن کو وسعت دینے کی کوششوں کو سراہا۔ ان کے مطابق یہ اقدام تبدیلیوں سے بھرپور عالمی ماحول میں یقین اور اعتماد کو فروغ دینے کا باعث ہے۔ بڑی معیشتوں کے کھلے پن اور معاشی ترقی کے تجربات سے سیکھنے کی اہمیت کے بارے میں پوچھے جانے پر 42.7 فیصد جواب دہندگان نے چین کا انتخاب کیا، جس کے ساتھ چین پہلے نمبر پر رہا۔ ان میں نوجوانوں کی بڑی تعداد شامل تھی۔ سروے کے مطابق، تقریباً 90 فیصد جواب دہندگان کا خیال ہے کہ چین کی معاشی طاقت مضبوط اور ترقی کی رفتار تیز ہے۔ 84.6 فیصد جواب دہندگان کا ماننا ہے کہ چین کا عالمی معیشت میں نمایاں تعاون ہے، جبکہ تقریباً 80 فیصد جواب دہندگان نے چینی معیشت کی خطرات کا مقابلہ کرنے کی صلاحیت اور مضبوط لچک کو تسلیم کیا۔ اس کے علاوہ 65.6 فیصد جواب دہندگان نے چین کے ساتھ تعاون مزید گہرا کرنے کی خواہش کا اظہار کیا۔