سنکیانگ ویغورخوداختیار علاقے میں ثقافتی و سیاحتی صنعت کے فروغ کے لیے، سی ایم جی نے سنکیانگ کے کلچر اینڈ ٹورازم ڈیپارٹمنٹ کے ساتھ تعاون کے اسٹریٹجک معاہدے پر دستخط کیے ہیں ۔ساتھ ہی سی ایم جی کی جانب سے ثقافتی سیاحت کے پروگرام “سنکیانگ کے روڈ پر کھلے پھول ” کی افتتاحی تقریب 8 اگست کو سنکیانگ کے ای لی پریفیکچر میں منعقد ہوئی۔
“سنکیانگ کے روڈ پر کھلے پھول ” ایک ثقافتی اور سیاحتی ورائٹی شو ہے جو چائنا میڈیا گروپ اور سنکیانگ کے محکمہ ثقافت و سیاحت نے مشترکہ طور پر تیار کیا ہے۔ یہ چائنا میڈیا گروپ اور سنکیانگ کلچرل ٹورازم ڈیپارٹمنٹ کے درمیان گہرے تعاون کا نمائندہ منصوبہ بھی ہے۔ یہ پروگرام سنکیانگ کے چار خوبصورت راستوں پر مرکوز ہے: G314 قراقرم ہائی وے،ای لی-زاؤسو ہائی وے، تکلامکان ڈیزرٹ ہائی وے، اور G331 ناردرن بارڈر ہائی وے۔اس شو سے سنکیانگ کے اعلیٰ معیار کے سیاحتی راستے اور منفرد ثقافتی وسائل کو ملک بھر میں فروغ دیا جائے گا، نیز مقامی مصنوعات، آؤٹ ڈور ثقافتی سیاحت اور دیگر متعلقہ صنعتوں کی مربوط ترقی کو بھی فروغ دیا جائے گا۔ یہ شو چودہ اگست سے چائنا میڈیا گروپ کے ٹی وی چینلز اور نیو میڈیا پلیٹ فارمز پر نشر کیا جائے گا۔
اس سرگرمی کے دوران چائنا میڈیا گروپ اور سنکیانگ کے درمیان سیاحت و ثقافت کے شعبے میں تعاون کے متعدد معاہدوں پر بھی دستخط کیے گئے جن میں “سنکیانگ ثقافتی و سیاحتی اسٹریٹجک معاہدہ”، ” نالاتی سیاحتی مقام کے ساتھ 2027 کے لیے ثقافتی و سیاحتی تشہیری خدمات میں تعاون کا معاہدہ “، اور “تھیان شان فلاور سی کےساتھ 2027 کے لیے ثقافتی و سیاحتی تشہیری خدمات میں تعاون کا معاہدہ ” شامل ہیں۔
