امریکہ۔فلپائن تعاون کسی تیسرے فریق کے خلاف یا اس کے مفادات کو نقصان پہنچانے والا نہیں ہونا چاہیے ، چینی وزارتِ خارجہ

اطلاعات کے مطابق فلپائن میں امریکی سفارت خانے نے پالاون جزیرے میں مرکز قائم کرنے کا اعلان کیا ہے تاکہ فلپائنی ماہی گیروں کو غیر قانونی ماہی گیری کی سرگرمیوں سے متعلق اطلاعات دینے میں مدد فراہم کی جا سکے۔18 اگست کو چینی وزارتِ خارجہ کے ترجمان لن جیئن نے معمول کی پریس کانفرنس میں اس حوالے سے کہا کہ چین کا ہمیشہ یہ مؤقف رہا ہے کہ ممالک کے درمیان روابط اور تعاون سے خطے کے ممالک کے درمیان باہمی مفاہمت اور اعتماد میں اضافہ اور علاقائی امن و استحکام کو فروغ ملنا چاہیے۔چین امریکہ اور فلپائن کے درمیان معمول کے تعاون کی مخالفت نہیں کرتا، تاہم ایسا تعاون کسی تیسرے فریق کے خلاف یا اس کے مفادات کو نقصان پہنچانے والا نہیں ہونا چاہیے۔