بیجنگ (نمائندہ خصوصی) ”شی جن پھنگ کی ثقافت سے متعلق منتخب تحریروں“ کی جلد اول اور دوم کے مطالعے پر بیجنگ میں ایک سمپوزیم منعقد ہوا۔ کمیونسٹ پارٹی آف چائنا کی مرکزی کمیٹی کے سیاسی بیورو کے رکن اور مرکزی کمیٹی کے شعبۂ تشہیر کے سربراہ لی شولے نے سمپوزیم میں شرکت کی اور خطاب کیا۔
شرکاء کا کہنا تھا کہ ”شی جن پھنگ کی ثقافت سے متعلق منتخب تحریروں“ کی دونوں جلدیں، صدرشی جن پھنگ کی قیادت میں کمیونسٹ پارٹی آف چائنا کی مرکزی کمیٹی کی رہنمائی میں، نئے دور میں ثقافتی ترقی کے اہم تاریخی سفر کو جامع انداز میں پیش کرتی ہیں۔ یہ کتب ثقافت سے متعلق صدر شی جن پھنگ کی فکر کے بنیادی تصورات، اہم نکات اور تقاضوں کو منظم انداز میں بیان کرتی ہیں اور اس فکر کو گہرائی سے سمجھنے اور اس پر عمل درآمد کے لیے مستند مطالعاتی مواد فراہم کرتی ہیں۔
