بیجنگ (نیوز ڈیسک) چین کی موسمیاتی انتظامیہ کے مطابق، بائیس ستمبر کو نیپال کے لیے تیار کردہ چینی موسمیاتی اسمارٹ وارننگ سسٹم ”ما زو“ کا خصوصی ورژن نیپال کے حوالے کر دیا گیا ۔ ”ما زو“ کا یہ خصوصی ورژن مقامی جغرافیائی ماحول، آفات کی نوعیت ، بنیادی ڈھانچے اور ڈیٹا کی دستیابی کو مدنظر رکھ کر تیار کیا گیا ہے۔ یہ صرف ابتدائی کلاؤڈ وارننگ آپریشنز کا پلیٹ فارم ہی نہیں ہے بلکہ نیپال کے لیے اسمارٹ موسمیاتی وارننگ کی صلاحیتوں کے اشتراک کا ایک اہم ذریعہ بھی بنے گا۔
اسی دن دوسرے چین-وسطی ایشیا موسمیاتی تعاون فورم کے افتتاحی اجلاس میں، چین کی موسمیاتی انتظامیہ نے ”ما زو“ کے وسطی ایشیائی ممالک کے لیے موسمیاتی اسمارٹ وارننگ پروگرام پر عملدرآمد کا ایکشن پلان (2026–2027) بھی جاری کیا۔اطلاعات کے مطابق اس وقت ”ما زو“ 7 ممالک میں عملی طور پر نافذ ہو چکا ہے اور 50 سے زائد ممالک اسے کلاؤڈ پر آزما رہے ہیں۔ امید ہے کہ مستقبل قریب میں ”ما زو سسٹم “ کو نافذ کرنے والے ممالک کی تعداد 30 ہو جائے گی۔
