بیجنگ (نیوز ڈیسک) امریکی صدر ڈونلڈ ٹرمپ کی دعوت پر، چین کے صدر شی جن پھنگ 23 سے 25 ستمبر تک امریکہ کا سرکاری دورہ کریں گے۔ممالک کے درمیان تعلقات کا دارومدار عوام کے درمیان قریبی تعلق پر ہوتا ہے، اور عوام کے درمیان قریبی تعلق کا دارومدار دلوں کی ہم آہنگی پر ۔ یوں ممالک کے درمیان تعلقات کی ترقی کی بنیاد دونوں ممالک کے عوام میں پوشیدہ ہوتی ہے۔
نومبر 2023 میں، صدر شی جن پھنگ نے امریکہ کے دورے کے دوران سان فرانسسکو میں امریکی دوستوں کے ایک گروپ کی جانب سے منعقدہ استقبالیہ تقریب میں شرکت کی تھی۔ مسز ایولن میک ملن بھی وہاں موجود تھیں، یہ صدر شی جن پھنگ سے ان کی پہلی ملاقات تھی۔امریکی دوست ایولن میک ملن، جو گولنگ کے دوست گروپ کی بانی ہیں، کا خاندان چین کے شہر فوژو کے علاقے گولنگ سے کئی نسلوں پر محیط گہری محبت کے رشتے میں بندھا ہے۔
گولنگ کی کہانی صدر شی جن پھنگ کی جانب سے چین-امریکہ عوامی دوستی اور تبادلے کے فروغ کی ایک شاندار مثال ہے۔ اس قیمتی مشترکہ یاد کو محفوظ رکھنے کے لیے، 2016 میں، ایولن میک ملن نے گولنگ کے دوست نامی ایک گروپ قائم کیا تاکہ گولنگ کی تاریخی کہانیوں کو دریافت اور مرتب کیا جا سکے۔ 2022 میں، اس گروپ کے ارکان نے صدر شی جن پھنگ کو ایک خط لکھا جس میں سرحد پار دوستی کی کہانیاں بیان کی گئی تھیں۔
جون 2023 میں، صدر شی جن پھنگ نے گولنگ بانڈ چین-امریکہ عوامی دوستی کے فورم کو ایک تہنیتی خط بھیجا، جس میں انہوں نے لکھا کہ گولنگ کے دوست کا تجربہ ایک بار پھر ثابت کرتا ہے کہ چینی اور امریکی عوام، نظام، ثقافت اور زبان کی تفریق کو عبور کر کے گہری دوستی قائم کر سکتے ہیں۔
